Blini -loxoox ruush

loxoox ruush BLINI (15 midh)

3dl yogurti turkish

15g fixiso qoyan

2dl daqiiq tattar

1 malqaacad yar sonkor

1dl caano kulul

1 malqaacad yar milix

1 malqaacad wayn subag dhalaashan

1 beedka inta huruud

1 beedka inta cad

Diiri yogurtiga, fixisada ku mil oo ku qas daqiiqda iyo sonkorta.

Qooshka laba saacadood (2h) u daa inay faxdo ama in ka badan hadaad daysid talaajada ku ridid. Intanad dubin loxooxda ku dar caanaha kulul, milixda, subaga dhalaashan, beedka inta huruuda ah. Beedka inta cad xoog u qas kaligiis oo markaas ku dar. Loxooxda daawe yar ku dub.

waxa lugu cuno

kalluunka salmon milixeysan

basasha cas oo la yaryareeyey

smetana

beetka kaluunka (mäti, kaviaar)

caano fadhi (kermaviili)

Ladies tea party

maraq kaluun

Maraq kaluun

Qaybta I

madaxa iyo inta dambe ee kaluunka

1 basal

2 toon

filfil

milixda badda

3 litir biyo

Intaas isku kari oo kaluunka maraq ka soo saar. Biyaha haduu kaa gudho ku biiri.

Markad 1/2 saacad karisay maraqa ka miir oo weel kale ku shub. Kaluunka inta hilbka ka saar oo maraqa raaci. Digsiga dhaq oo dib u isticmaal. Maraqa la miiray oona hilbka kaluunka lugu daray digsiga ku shub.

Qaybta II

3 baradho

2 kaarood

1 basal

toon

1/2 qaji

filfil

milixda badda

burcad

Baradhada, basasha, kaaroodada, toonta iyo qajiga yaryaree oo maraqa ku dar.  Maraqa karkari intay baradhada iyo kaaroodadu ka bislaanayaan.  Maraqa ku qas mishiinka lugu qaso. Waxa la doonayaa inad khudradoodhan ay burburaan. Maraqa digsiga wali ku kari oo dabka ka yaree. Burcada(kreem) ku dar oo xoogaa ku kari. 

Maraqa dadka ku sii rooti iyo liindhanaan.

Sharaxaada miiska

Baasto Avocado

Fikradan baasto avocado waxa la yimi cook fiinish ah oo la yidhaaho Alexander Gullichsen.  Finland baastadan dhadhan keeda aad iyo aad ayaa looga helay waayahan. Wiigii hore ayaan markii ugu horaysay samaayey. Wiiganna mar labaad ayaan hadana ku celiyey., runtii macaankeeda aad iyo aad ayaan ugu bogay. Sidii loogu talagalay wax yar baan ka badalay. Sidan ku jeclahay iyo khudratan aan haysto ayaan ku sameeyey. Isku daya oo fikradihiina kasoo dhiibta.

2 toon

1 qaji

1 liindhanaan 

2 avocado bisil

milix

filfil

saliid oliv

candoobo basilica

1 dl burcad pecorino la yaryareeyey

1 dl burcad parmesaan la yaryareeyey

400–500 g baasto

Sanuunada waxad ku samaynkardaa madiibad wayn. Marka hore toonta iyo qajiga yaryaree oo madiibada ku rid. Liindhananta ku tuuji. Avocadada badhtanka ka kalajar oo ininyaha ka saar. Avocado gudihiisa midida ku yaryaree oo madiibada ku rid. Basilica, pecorino iyo parmesaanka yaryaree oo ku dar. Milixda, saliida iyo filfisha ku sii dar. Malqacad ku walaaq. Milixda ha ku yareynin oo hadiikale dhadhankeedu wuu xumaanayaa.

Baastada biyo milix leh ku kari, oo ka dhig "al dente". Baastadu yey kaa  jilcin, yaanuu dhadhankeedu lumin. Biyahad baastada aad ku karisay meelahaas desilitir ka qaad oo ku dar sanuunada. Baastada madiibada ku shub markad biyaha ka miirto, oo woxoodhan isku walaaq. Wali inyar oo permesaan iyo filfil ku dul daadi. 

Markaba dadka waad u soo dhigikartaa.

Green Iftar

Blue Iftar

Beerta skoolka

Summer pics

Eid decoration inspiration

Ciida sidee baad guriga u quruxbadnaynaysaa? Intabadan daahyaasha ayaa la badilaa.
Haayase wax kalena waas ku kordhinkardaa si gurigu u ciido.
RAMADANCHALLENGE.COM